ടൗണും സമീപപ്രദേശങ്ങളിലും കൂട്ടം കൂടി നടക്കുന്ന തെരുവുനായ്ക്കള് വിദ്യാര്ത്ഥികള്ക്ക് നേരെ പാഞ്ഞടുക്കുന്നത് നിത്യസംഭവം.ജനങ്ങളുടെ ജീവന് ഭീഷണിയായി മാറിക്കൊണ്ടിരിക്കുന്ന തെരുവുനായ്ക്കളെ പിടികൂടി സുരക്ഷിത സ്ഥലത്തേക്ക് മാറ്റണമെന്ന് ആവശ്യം.വിദ്യാര്ത്ഥികള് അടക്കമുള്ള കാല്നടയാത്രക്കാരുടെ ജീവന് ഭീഷണിയായാണ് സുല്ത്താന്ബത്തേരി ടൗണിലും സമീപപ്രദേശങ്ങളിലും തെരുവുനായ ശല്യം രൂക്ഷമായിരിക്കുന്നത്. സര്വ്വജന ഗവണ്മെന്റ് ഹയര് സെക്കന്ഡറി സ്കൂളിന് സമീപം, ടൗണ് സ്ക്വയര്, ചുങ്കം മാര്ക്കറ്റ്, ഗാന്ധി ജംഗ്ഷന്, നഗരസഭാ സ്റ്റേഡിയം പരിസരം ഇവിടങ്ങളിലെല്ലാം തെരുവുനായകൂട്ടമാണ്.
