ചേരുവകൾ
1 നന്നായി പഴുത്ത ഏത്തപ്പഴം – അര കിലോ
2 ശർക്കര – ഒരു കിലോ
3 തേങ്ങ – 3 എണ്ണം
4 നെയ്യ് – 150 ഗ്രാം
5 ചൗവ്വരി – 50 ഗ്രാം
6 അണ്ടിപ്പരിപ്പ്, കിസ്മിസ് – 50 ഗ്രാം വീതം
7 ഏലയ്ക്ക – ആവശ്യത്തിന്
8 തേങ്ങ വറുത്തത് – 50 ഗ്രാം
തയാറാക്കുന്നവിധം
ചൗവ്വരി വേവിച്ചു വയ്ക്കുക. അണ്ടിപ്പരിപ്പും കിസ്മിസും നെയ്യിൽ വറുത്തുവയ്ക്കുക. ഏത്തപ്പഴം തൊലികളഞ്ഞു നന്നായി കുക്കറിൽ വേവിച്ച് ഉടയ്ക്കുക. അതിനുശേഷം ശർക്കര പാവിൽ നെയ്യും ചേർത്ത് പഴം വഴറ്റിയെടുക്കുക. നൂൽപ്പരുവമാകുമ്പോൾ രണ്ടാം പാൽ ചേർത്തു നന്നായി തിളപ്പിക്കുക. കുറുകിവരുമ്പോൾ വേവിച്ച ചൗവ്വരിയും ഒന്നാം പാലും ചേർത്തു പത്തുമിനിട്ട് ഇളക്കിയ ശേഷം വാങ്ങുക. വറുത്ത തേങ്ങയും അണ്ടിപ്പരിപ്പും കിസ്മിസും ചേർത്തിളക്കി ഏലയ്ക്കാപ്പൊടിയും വിതറി ഉപയോഗിക്കാം.
