അടുത്ത 5 ദിവസം കേരളത്തില് മഴയ്ക്കു സാധ്യതയെന്നു കേന്ദ്ര കാലാവസ്ഥാ വകുപ്പ് അറിയിച്ചു.നിലവിലെ അന്തരീക്ഷ സ്ഥിതിപ്രകാരം തെക്കന് അറബിക്കടലില് പടിഞ്ഞാറന് കാറ്റ് ശക്തി പ്രാപിച്ചു. കേരള തീരത്തിനും സമീപത്തുള്ള തെക്കു കിഴക്കന് അറബിക്കടലിലും മേഘങ്ങളുടെ സാന്നിധ്യം കൂടി വരുന്നതായി ഉപഗ്രഹ ചിത്രങ്ങള് വ്യക്തമാക്കുന്നു. ഇതിന്റെ ഫലമായി കാലവര്ഷം കേരളത്തില് അടുത്ത രണ്ടു, മൂന്നു ദിവസത്തിനുള്ളില് എത്തിച്ചേരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേരളത്തില് മേയ് 29 നു ഒറ്റപ്പെട്ട ശക്തമായ മഴയ്ക്കു സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.ഒറ്റപ്പെട്ട സ്ഥലങ്ങളില് ഇടിമിന്നലിനും ശക്തമായ കാറ്റിനും സാധ്യതയുണ്ട്. ഈ സാഹചര്യം മുന്നിര്ത്തി സംസ്ഥാന ദുരന്ത നിവാരണ അതോറിറ്റി പൊതുജനങ്ങള്ക്കായി ജാഗ്രതാ നിര്ദേശങ്ങള് പുറപ്പെടുവിച്ചു.
