കൊവിഡ് കാരണം മരിച്ചവരുടെ കുടുംബങ്ങള്ക്ക് നഷ്ടപരിഹാരം നല്കുമെന്ന് കേന്ദ്രം. നഷ്ടപരിഹാരത്തിനുള്ള മാനദണ്ഡത്തില് മാറ്റം വരുത്തിയതായി കേന്ദ്രം കോടതിയെ അറിയിച്ചു. കൊവിഡ് ബാധിച്ച് 30 ദിവസത്തില് ആത്മഹത്യ ചെയ്തവരുടെ കുടുംബത്തിനും സഹായം നല്കാന് കേന്ദ്ര സര്ക്കാര് തീരുമാനിച്ചു. കൊവിഡ് ബാധിതര് ആത്മഹത്യ ചെയ്താല് അതിനെ കൊവിഡ് മരണമായി കണക്കാനാവില്ലെന്ന കേന്ദ്രത്തിന്റെ നിലപാട് പുന പരിശോധിക്കണമെന്നും കഴിഞ്ഞ തവണ ഹര്ജി പരിഗണിച്ചപ്പോള് കോടതി നിര്ദ്ദേശിച്ചിരുന്നു. ഇതനുസരിച്ചാണ് കേന്ദ്രം മാനദണ്ഡത്തില് മാറ്റം വരുത്തിയത്.
