എ.ഐ.സി.സി. പ്രതിനിധികള്‍ പ്രാദേശിക മാധ്യമ പ്രവര്‍ത്തകരുമായി കൂടിക്കാഴ്ച നടത്തി.
അഖിലേന്ത്യാ കോണ്‍ഗ്രസ് കമ്മിറ്റിയുടെ പ്രതിനിധികള്‍ മാനന്തവാടിയില്‍ പ്രാദേശിക മാധ്യമ പ്രവര്‍ത്തകരും മറ്റ് വിവിധ മേഖലകളില്‍ പ്രവര്‍ത്തിക്കുന്നവരുമായി കൂടിക്കാഴ്ചയും ആശയസംവാദവും നടത്തി.എ.ഐ.സി.സി. സെക്രട്ടറി പി.വി.മോഹന്റെ നേതൃത്വത്തിലുള്ള സംഘമാണ് മാനന്തവാടി പ്രസ്സ് ക്ലബ്ബില്‍ മാധ്യമ പ്രവര്‍ത്തകരുമായി കൂടിക്കാഴ്ച നടത്തിയത്.
വയനാടിന്റെ വികസനം ,പ്രാദേശിക വിഷയങ്ങള്‍, കേരള രാഷ്ട്രീയം, കാര്‍ഷിക പ്രശ്‌നങ്ങള്‍ എന്നിവ സംബന്ധിച്ച തുറന്ന ചര്‍ച്ചക്കും അഭിപ്രായ രൂപീകരണത്തിനുമാണ് തങ്ങള്‍ വന്നതെന്ന് പി.വി.മോഹന്‍ പറഞ്ഞു.വിവിധ വിഷയങ്ങളില്‍ ഉന്നയിക്കപ്പെട്ട ആശയങ്ങള്‍ രാഹുല്‍ ഗാന്ധി എം.പി. യുടെ വികസന പദ്ധതികളിലും കോണ്‍ഗ്രസ് നയരൂപീകരണത്തിലും തിരഞ്ഞെടുപ്പ് പ്രകടന പത്രികയിലും ഉള്‍പ്പെടുത്തുമെന്ന് അദ്ദേഹം പറഞ്ഞു.ചടങ്ങില്‍ വിവിധ പുരസ്‌കാരങ്ങളും വിതരണം ചെയ്തു.മുന്‍ മന്ത്രി പി.കെ. ജയലക്ഷ്മി അധ്യക്ഷത വഹിച്ചു.എ.ഐ.സി.സി. കോഡിനേറ്റര്‍ ബിജു ശിവരാമന്‍,പ്രസ്സ് ക്ലബ്ബ് പ്രസിഡണ്ട് അബ്ദുള്ള പള്ളിയാല്‍,അശോകന്‍ ഒഴക്കോടി,കെ.എം. ഷിനോജ്, ലത്തീഫ് പടയന്‍,സില്‍വി തോമസ്,സി.വി.ഷിബു ,റെനീഷ് ആര്യപ്പള്ളി,റസാഖ് പനമരം തുടങ്ങിയവര്‍ പ്രസംഗിച്ചു.
