കല്പ്പറ്റ: ലഹരി കേസുകളിലുള്പ്പെട്ടയാളെ കാപ്പ ചുമത്തി നാട് കടത്തി. മുട്ടില്, അഭയം വീട്ടില് മിന്ഹാജ് ബാസിം(26)നെയാണ് ആറു മാസത്തേക്ക് നാടു കടത്തിയത്. 2023 ജൂണില് KSRTC ബസ്സില് 49.54 ഗ്രാം എം.ഡി.എം.എയുമായി മുത്തങ്ങ ചെക്ക് പോസ്റ്റില് വെച്ചും 2025 ജനുവരിയില് മീനങ്ങാടി 54 ല് വെച്ച് 0.42 ഗ്രാം MDMAയുമായും ഇയാളെ പിടികൂടിയിരുന്നു. വയനാട് ജില്ലാ പോലീസ് മേധാവിയുടെ റിപ്പോര്ട്ടിന്മേല് കണ്ണൂര് മേഖല ഡി.ഐ.ജി യുടെ ഉത്തരവ് പ്രകാരമാണ് നടപടി.
