സുല്‍ത്താന്‍ ബത്തേരി നഗരസൗന്ദര്യ വല്‍ക്കരണ ത്തിന്റെ ഭാഗമായി ഫുട്പാത്ത് കൈവരികളില്‍ സ്ഥാപിച്ച ചെടി മോഷ്ടിച്ച സംഭവത്തില്‍ മൂന്ന് പേരെ ബത്തേരി പൊലീസ് അറസ്റ്റ് ചെയ്തു. കേണിച്ചിറ മണല്‍വയല്‍ സ്വദേശികളായ എല്ലക്കൊല്ലി ശരത് (25), മാധവന്‍ ( 46), അതിരാറ്റുകുന്ന് അഭിലാഷ് (38) എന്നിവരെയാണ് അറസ്റ്റ് ചെയ്തത്. കഴിഞ്ഞയാഴ്ച രാത്രിയില്‍ ഒട്ടോറിക്ഷയില്‍ എത്തിയ സംഘം ചുങ്കത്ത് ഫുട്പാത്ത് കൈവരിയില്‍ സ്ഥാപിച്ച ചെടി ചട്ടിയടക്കം മോഷ്ടിക്കുകയായിരുന്നു.
സംഘം ചെടി മോഷ്ടിക്കുന്നത് സിസിടിവിയില്‍ പതിയുകയും ചെയ്തു. ഈ ദൃശ്യങ്ങള്‍ പരിശോധിച്ച് നടത്തിയ പരിശോധനയിലാണ് മൂന്നംഗ സംഘം പിടിയിലായതെന്ന് ബത്തേരി പൊലിസ് ഇന്‍സ്‌പെക്ടര്‍ ജി പുഷ്പ കുമാര്‍ പറഞ്ഞു. പൊലിസുകാരായ പി ആര്‍ കിഷോര്‍, പി എസ് പിയൂഷ്, പി കെ ചന്ദ്രന്‍, അനില്‍, ആഷ്‌ലി തോമസ് എന്നിവര്‍ നേതൃത്വം നല്‍കി.
