സൗദി അറേബ്യയില്‍ ഞായറാഴ്ച 403 പുതിയ കൊവിഡ് കേസുകള്‍ റിപ്പോര്‍ട്ട് ചെയ്തു. 600 പേര്‍ സുഖം പ്രാപിച്ചു. 28 മരണങ്ങള്‍ രാജ്യത്തെ വിവിധയിടങ്ങളില്‍ റിപ്പോര്‍ട്ട് ചെയ്തു. ആകെ റിപ്പോര്‍ട്ട് ചെയ്ത 3,33,193 പോസിറ്റീവ് കേസുകളില്‍ 3,17,005ഉം രോഗമുക്തി നേടി. ആകെ മരണസംഖ്യ 4683 ആയി ഉയര്‍ന്നു. രാജ്യത്തെ കോവിഡ് മുക്തി നിരക്ക് 95.2 ശതമാനമായി ഉയര്‍ന്നു. 1.4 ശതമാനമാണ് മരണനിരക്ക്.24 മണിക്കൂറിനിടെ പുതിയ കോവിഡ് കേസുകള്‍ ഏറ്റവും കൂടുതല്‍ റിപ്പോര്‍ട്ട് ചെയ്തത് മദീനയിലാണ്, 43. ജിദ്ദ 43, ഹുഫൂഫ് 32, മക്ക 32, റിയാദ് 29, ദമ്മാം 21, ഹാഇല്‍ 20, ദഹ്‌റാന്‍ 16, ബല്‍ജുറഷി 11, ത്വാഇഫ് 9, മുബറസ് 6, യാംബു 16, ഖമീസ് മുശൈത്ത് 6, ഖത്വീഫ് 6 എന്നിങ്ങനെയാണ് പ്രധാന നഗരങ്ങളില്‍ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം. ഞായറാഴ്ച 34,300 സാമ്പിളുകളുടെ പരിശോധന കൂടി നടന്നതോടെ രാജ്യത്ത് ഇതുവരെ നടത്തിയ മൊത്തം പരിശോധനകളുടെ എണ്ണം 63,48,385 ആയി.
