മുന്‍ ധനകാര്യ സെക്രട്ടറി രാജീവ് കുമാറിനെ ഇന്ത്യയുടെ തെരഞ്ഞെടുപ്പ് കമ്മീഷണറായി നിയമിച്ചു. നിലവിലെ കമ്മീഷണര്‍ അശോക് ലവാസ രാജിവച്ച ഒഴിവിലാണ് നിയമനം. ഈ മാസം 31ന് രാജീവ് കുമാര്‍ കമ്മീഷണറായി ചുമതലയേല്ക്കും. 1984 ഐ എ എസ് ബാച്ചുകാരനായ രാജീവ് കുമാര്‍ ജാര്‍ഖണ്ഡ് കേഡര്‍ ഉദ്യോഗസ്ഥനാണ്. ധനകാര്യ സെക്രട്ടറിയായിരിക്കേ പൊതു മേഖല ബാങ്കുകളുടെ ലയന തീരുമാനത്തിലടക്കം നിര്‍ണ്ണായക പങ്കുവഹിച്ചിട്ടുണ്ട്.കഴിഞ്ഞ ആഴ്ചയാണ് അശോക് ലവാസ കേന്ദ്ര തെരഞ്ഞെടുപ്പ് കമ്മീഷണര്‍ സ്ഥാനത്ത് നിന്നും രാജിവച്ചത്. അശോക് ലവാസ ഏഷ്യന്‍ വികസന ബാങ്കില്‍ വൈസ് പ്രസിഡന്റായി അടുത്ത മാസം ചുമതലയേല്ക്കും.
