സ്‌കൂള്‍ പാചക തൊഴിലാളികള്‍ തിരുവോണ ദിവസം സ്വവസതികളില്‍ ഉപവസിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ജൂണ്‍ മാസം മുതല്‍ പാചക തൊഴിലാളികളുടെ വേതന വിതരണം നിര്‍ത്തിവെച്ച സര്‍ക്കാരിന്റെ നടപടിയില്‍ പ്രതിഷേധിച്ചാണ് ഉപവാസം.ജില്ലാ പ്രസിഡണ്ട് പി.ആര്‍. സതി, ജില്ലാ സെക്രട്ടറി കെ.കെ. രാജന്‍, എച്ച്. എം. എസ്. ജില്ലാ സെക്രട്ടറി എന്‍. ഒ ദേവസി, ഷേര്‍ളി സെബാസ്റ്റ്യന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
2017 മുതലുള്ള വേതന വര്‍ദ്ധനവിന്റെ കുടിശ്ശിക 30, 000 രൂപ അനുവദിച്ച് ഉത്തരവുണ്ടായിട്ടും വിതരണം ചെയ്യാന്‍ നടപടി ഉണ്ടായിട്ടില്ല. മറ്റ് തൊഴില്‍ മേഖലയിലെ എല്ലാവര്‍ക്കും ആനുകൂല്യങ്ങള്‍ നല്‍കിയിട്ടും പാചക തൊഴിലാളികളോട് വിവേചനം കാണിക്കുകയാണന്ന് ഭാരവാഹികള്‍ ആരോപിച്ചു. 250 കുട്ടികള്‍ക്ക് ഒരു തൊഴിലാളിയെ വെച്ച് നിയമിക്കണമെന്നും അനീതി അവസാനിപ്പിക്കണമെന്നും, ഇതിനകം പല സൂചനാ സമരങ്ങള്‍ നടത്തിയിട്ടും അനുകൂല നടപടിയില്ലാത്തതിനാലാണ് തിരുവോണ നാളിലെ ഉപവാസ സമരമെന്നും ഇവര്‍ പറഞ്ഞു. ജില്ലാ പ്രസിഡണ്ട് പി.ആര്‍. സതി, ജില്ലാ സെക്രട്ടറി കെ.കെ. രാജന്‍, എച്ച്. എം. എസ്. ജില്ലാ സെക്രട്ടറി എന്‍. ഒ ദേവസി, ഷേര്‍ളി സെബാസ്റ്റ്യന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
