ഭിന്നശേഷിക്കാരായ മാനസിക വൈകല്യം ബാധിച്ച കുട്ടികളുടെ പേരില്‍ നല്‍കുന്ന ലോണ്‍ പുറമെയുള്ളവര്‍ക്ക് നല്‍കാമെന്ന് പറഞ്ഞ് ധരിപ്പിച്ച് വീട്ടമ്മമാരില്‍ നിന്ന് ലക്ഷങ്ങള്‍ തട്ടിയെടുത്തതായി പരാതി.വയനാട്,കണ്ണൂര്‍ ജില്ലകളിലെ നൂറ് കണക്കിന് വീട്ടമ്മമാരില്‍ നിന്ന് അഞ്ച് ലക്ഷം രൂപ വീതം ലോണ്‍ നല്‍കാമെന്ന് പറഞ്ഞ് ഒന്നേകാല്‍ കോടി രൂപ തട്ടിയെടുത്തതായാണ് തട്ടിപ്പിനിരയായ സ്ത്രീകള്‍ ബത്തേരിയില്‍ വാര്‍ത്താ സമ്മേളനത്തില്‍ ആരോപിച്ചത്. ഒരാളില്‍നിന്ന് 30000 മുതല്‍ 35000 രൂപവരെ വാങ്ങിതട്ടിപ്പ് നടത്തിയത് നമ്പ്യാര്‍കുന്ന് സ്വദേശിനിയാണെന്നും വീട്ടമ്മാര്‍ ആരോപിക്കുന്നു.
