കല്‍പ്പറ്റ ഫാത്തിമ മാതാ മിഷന്‍ ആശുപത്രിയുടെ സഹകരണത്തോടെ ചേലോട് എസ്റ്റേറ്റ് തൊഴിലാളികള്‍ക്കായി മെഡിക്കല്‍ ക്യാമ്പ് സംഘടിപ്പിച്ചു. ജനറല്‍ മെഡിസിന്‍, ഓര്‍ത്തോ, ഗൈനോക്കോളജി വിഭാഗങ്ങളിലെ ഡോക്ടര്‍മാരുടെ സേവനങ്ങള്‍ ക്യാമ്പിലൊരുക്കിയിരുന്നു. സൗജന്യമായി മരുന്നുകളും വിതരണം ചെയ്തു.വൈത്തിരി പഞ്ചായത്ത് പ്രസിഡന്റ് എം.വി വിജേഷ് ഉദ്ഘാടനം ചെയ്തു. എസ്റ്റേറ്റ് മാനേജര്‍ ഫാ. ഫ്രാന്‍സന്‍ അധ്യക്ഷനായിരുന്നു.എന്‍.ഒ ദേവസി,ആര്‍.രാമചന്ദ്രന്‍, എം.പി ഷൈജു, ജിമ്മി ജോസഫ്, സിസ്റ്റര്‍ ജാനറ്റ് എന്നിവര്‍ സംസാരിച്ചു.
