രാജ്യത്ത് ഇന്ധനവില കുറച്ചു
പെട്രോള് ലിറ്ററിന് 9.50 രൂപയും ഡീസലിന് 7 രൂപയുമാണ് കുറച്ചത്. പുതുക്കിയ നിരക്ക് അര്ത്ഥരാത്രി മുതല് പ്രാബല്യത്തില് വരും. കേന്ദ്രമന്ത്രി നിര്മ്മല സീതാരാമനാണ് ഇക്കാര്യം അറിയിച്ചത്.കൊച്ചിയില് പെട്രോള് വില 105.7 രൂപയായും ഡീസല് വില 95.08 രൂപയായും കുറയും.
പണപ്പെരുപ്പം രൂക്ഷമായതിന്റെ ഭാഗമായാണ് ഇന്ധന വില കുറയ്ക്കാന് കേന്ദ്ര സര്ക്കാര് നിര്ബന്ധിതരായത്.ഇന്ധനവില വര്ധനവ് മൂലം ഭക്ഷ്യവസ്തുക്കളുടെ വില കുത്തനെ ഉയരുന്ന സാഹചര്യമാണുള്ളത്. പാല്, പച്ചക്കറി തുടങ്ങിയവയുടെ വില ഉയരുന്ന സാഹചര്യത്തില് ജനങ്ങള് കടുത്ത പ്രതിഷേധത്തിലാണ്. ഇതിന്െ കൂടി പശ്ചാത്തലത്തിലാണ് ഇന്ധനവില കുറയ്ക്കുന്നത്.