അപകടാവസ്ഥയിലുള്ള കോണ്‍ക്രീറ്റ് നടപാലം ഭീഷണിയാകുന്നു.തൊടുവട്ടിതോടിന് കുറുകെ കാര്യംപാതിയില്‍ നിര്‍മ്മിച്ച പാലമാണ് കാലപ്പഴക്കത്താല്‍ അപകടാവസ്ഥയിലായിരിക്കുന്നത്.നിലവില്‍ പാലത്തിന്റെ കൈവരികള്‍ തകര്‍ന്ന അവസ്ഥയിലാണ്. കൂടാതെ ഇരുഭാഗത്തെയും തൂണുകളും, പാലത്തിലേക്ക് കയറാനുള്ള ചവിട്ടുപടികളും തകര്‍ന്ന നിലയിലാണ്. 27 വര്‍ഷം പഴക്കമുള്ള പാലം പുനര്‍നിര്‍മ്മിച്ച് അപകടഭീഷണി ഒഴിവാക്കണമെന്നാണ് ആവശ്യം.ഈ പാലത്തിലൂടെയാണ് കാര്യംപാതി കോളനിയിലെ 16-ാളം കുട്ടികളും സ്‌കൂളുകളിലേക്കും പോകുന്നതും തിരികെവരുന്നതും. മഴക്കാലമായാല്‍ ഈ പാലത്തിനൊപ്പമാണ് വെള്ളം ഒഴുകാറ്. ഈ സമയത്തും അപകടാവസ്ഥയിലുള്ള ഈ പാലമാണ് ആളുകള്‍ ഉപയോഗിക്കുന്നത്.
