കുടുംബ വഴക്കിനെ തുടര്‍ന്ന് മധ്യവയസ്‌കന്‍ കമ്പിവടി കൊണ്ട് ഭാര്യയുടെ തലക്കടിച്ചതായും തടയാന്‍ ചെന്ന ഭാര്യാമാതാവിനെയും ക്രൂരമായി മര്‍ദിച്ചതായും പരാതി.മാനന്തവാടി ആറാട്ടുതറ കുറ്റിക്കണ്ടി സക്കീന(40)യ്ക്കും,മാതാവ് പാത്തുമ്മ(75)യ്ക്കുമാണ് പരിക്കേറ്റത്.പാത്തുമ്മ ഗുരുതര പരിക്കോടെ മേപ്പാടി സ്വകാര്യ മെഡിക്കല്‍ കോളേജില്‍ ചികിത്സയിലാണ്.പരാതിയുടെ അടിസ്ഥാനത്തില്‍ സക്കീനയുടെ ഭര്‍ത്താവ് അബ്ദുറഹ്‌മാ(54)നെതിരെ മാനന്തവാടി പോലീസ് വധശ്രമത്തിന് കേസെടുത്ത് അറസ്റ്റ് ചെയ്തു.മാനന്തവാടി സി ഐ അബ്ദുള്‍ കരീം,എസ്.ഐ ബിജു ആന്റണി തുടങ്ങിയവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
