അന്താരാഷ്ട്ര യോഗ ദിനാഘോഷത്തോടനുബന്ധിച്ച് പാതിരിച്ചാല്‍ ഗവ. ആയുര്‍വേദ ആശുപത്രി,നാഷണല്‍ ആയുഷ് മിഷന്‍ – ആയുഷ് ഗ്രാമം മാനന്തവാടി, എടവക ഗ്രാമപഞ്ചായത്തും സംയുക്തമായി യോഗ ദിനാചരണം സംഘടിപ്പിച്ചു. എടവക ഗ്രാമപഞ്ചായത്ത് വൈസ് പ്രസിഡന്റ് നജുമുദ്ദീന്‍ മൂടമ്പത്ത് അദ്ധ്യക്ഷനായിരുന്നു. ഗ്രാമ പഞ്ചായത്ത് പ്രസിഡന്റ് ഉഷാ വിജയന്‍ യോഗ ദിനഘോഷത്തിന്റെ ഉത്ഘാടനം നിര്‍വ്വഹിച്ചു. സി.എം.ഒ ഇന്‍ ചാര്‍ജ് ഡോ സുരേഷ് കുമാര്‍, ആയുഷ്ഗ്രാമം സ്‌പെഷ്യലിസ്റ്റ് മെഡിക്കല്‍ ഓഫിസര്‍ ഡോ. സിജോ കുര്യാക്കോസ് ,മെഡിക്കല്‍ ഓഫീസര്‍ ഡോ രേഖ കെ. വി, ഡോ ആര്യ എന്നിവര്‍ സംസാരിച്ചു. ആയുഷ് ഗ്രാമം യോഗ ഡൊമോണ്‍സ്‌ട്രേറ്റര്‍ കുമാരി അക്ഷയ യോഗ പരിശീലനത്തിന് നേതൃത്വം നല്‍കി.
