കമ്പളക്കാട് പള്ളിക്കുന്നില്‍ അച്ഛനും മകനും കുത്തേറ്റു. കോട്ടത്തറ പഞ്ചായത്തിലെ 3 -ാം വാര്‍ഡില്‍ ഉള്‍പ്പെടുന്ന പുലിമുണ്ട ആദിവാസി കോളനിയിലെ ഗോപി (45), മകന്‍ അനീഷ്(18) എന്നിവര്‍ക്കാണ് കുത്തേറ്റത്. ശനിയാഴ്ച്ച രാത്രിയിലാണ് സംഭവം. മദ്യലഹരിയില്‍ എത്തിയ ബാലന്‍ ഗോപിയെയും മകനെയും കുത്തിയശേഷം ശേഷം ഓടി രക്ഷപ്പെട്ടു. അനീഷിനെ കത്തികൊണ്ട് വെട്ടാന്‍ ശ്രമിച്ചപ്പോള്‍ പിതാവ് ഗോപി തടയാന്‍ ശ്രമിക്കുന്നതിനിടയിലാണ് ഗോപിയ്ക്കും പരിക്കേറ്റത്. സംഭവത്തില്‍ ഗുരുതര പരിക്കേറ്റ അനീഷ് മേപ്പാടിയിലെ സ്വകാര്യ ആശുപത്രിയില്‍ ചികിത്സ തേടി. കമ്പളക്കാട് പോലീസ് സ്ഥലത്തെത്തി കൊലപാതക ശ്രമത്തിന് കേസെടുത്ത് അന്വേഷണം ആരംഭിച്ചു.
