പുല്‍പ്പള്ളി ടൗണിലെ 5 വ്യാപാര സ്ഥാപനങ്ങളില്‍ വ്യാപക മോഷണം.കഴിഞ്ഞ ദിവസം രാത്രിയാണ് പുല്‍പ്പള്ളി ടൗണിലെ ബിസ്മി വെജിറ്റബിള്‍സ്, യുണെറ്റഡ് ഇന്‍ഷുറന്‍സ് ഏജന്‍സി ഓഫിസ്, മദേഴസ്മാര്‍ട്ട്, ഭാരത് ബിരിയാണിസ്റ്റോര്‍, ഐടിസി ട്രഡിംഗ് കമ്പനി മാര്‍ക്കറ്റ് എന്നിവിടങ്ങളിലാണ് മോഷണം നടന്നത്. ഷട്ടറിന്റെ പൂട്ട് കമ്പി പാര ഉപയോഗിച്ച് പൊളിച്ചാണ് മോഷണം. വിവിധ കടകളില്‍ നിന്നും 5000 മുതല്‍ 8000 രൂപ വരെ മോഷണം പോയതായി വ്യാപാരികള്‍ പറഞ്ഞു. പോലീസ് സ്ഥലത്തെത്തി അന്വേഷണം നടത്തി.സി സി ടി വി ദൃശ്യങ്ങളുള്‍പ്പടെ പരിശോധിച്ച് മോഷ്ടാക്കളെ കണ്ടെത്താനുള്ള ശ്രമത്തിലാണ് പോലീസ്. ഭാരത് ബിരിയാണി സ്റ്റേറ്റിന് സമീപത്ത് നിന്ന് കമ്പി പാരയടക്കം കണ്ടെത്തി. ടൗണില്‍ മോഷണം നടത്തിയവരെ പിടികൂടാന്‍ അടിയന്തര നടപടി വേണമെന്ന് വ്യപാരി വ്യവസായി പ്രസിഡണ്ട് മാത്യു മത്തായി ആതിര പറഞ്ഞു.
