മൂടകൊല്ലി പന്നി ഫാമില്‍ മാസങ്ങള്‍ക്ക് മുന്‍പ് കടുവ പന്നികളെ കൂട്ടത്തോടെ കൊന്നൊടുക്കിയ സംഭവത്തില്‍ പ്രതിഷേധിച്ച നാട്ടുകാര്‍ക്ക് എതിരെ വനം വകുപ്പ് കേണിച്ചിറ പോലീസില്‍ നല്കിയ പരാതി പ്രകാരം 5 പേര്‍ക്ക് കോടതിയില്‍ ഹാജരാകാന്‍ സമന്‍സ് ലഭിച്ചു. കഴിഞ്ഞ ദിവസമാണ്കോടതിയില്‍ നിന്നും ഇവര്‍ക്ക് സമന്‍സ് ലഭിച്ചത് ‘ മൂടകൊല്ലി പന്നി ഫാം ഉടമ ശ്രീജിത്ത് അടക്കം നാലോളം പേരുടെ പേരിലാണ് സമന്‍സ് ലഭിച്ചത്. കടുവ പന്നി ഫാമില്‍ കേറി വിവിധ ദിവസങ്ങളിലായി 42 ളം പന്നികളെയാണ് പിടി കൂടി കൊന്നത്. കഴിഞ്ഞ ജനുവരിയിലാണ് സംഭവം നടന്നത് . ഇതില്‍ മൂടക്കൊല്ലി പ്രദേശത്ത് വലിയ ജനകീയ പ്രക്ഷോഭവും വനം വകുപ്പിന് നേരെ വ്യാപക പ്രതിഷേധവും നാട്ടുകാര്‍ നടത്തിയിരുന്നു. വനം വകുപ്പ് കൂട് സ്ഥാപിച്ചങ്കിലും കടുവ കൂട്ടില്‍ കയറിയില്ല. ഇതും പ്രതിഷേധത്തിന് കാരണമായിരുന്നു . പ്രതിഷേധിച്ചവരുടെ പേരില്‍ വനം വകുപ്പ് കേണിച്ചിറ പോലീസില്‍ പരാതി നല്‍കിയിരുന്നു. ഉദ്യോഗസ്ഥരുടെ ജോലി തടസ്സപെടുത്തിയന്നും അസഭ്യം പറഞ്ഞുവെന്നും ആരോപിച്ച് നല്കിയ പരാതിയിലാണ് 5 പേര്‍ക്ക് കോടതിയില്‍ ഹാജരാകാന്‍ സമന്‍സ് ലഭിച്ചത്. അതേസമയം കേസ്സ് കെട്ടിച്ചമച്ചതാണന്നും, ജനകീയ പ്രതിഷേധത്തെ തകര്‍ക്കാന്‍ വനം വകുപ്പ് കള്ള കേസാണ് നല്‍കിയതെന്നും നിയമപരമായി നേരിടുമെന്നും ജനകീയ പ്രതിഷേധ സമിതി ചെയര്‍മാന്‍ കെ പി മധു പറഞ്ഞു.
