നിര്‍ത്തിയിട്ടിരുന്ന ഓട്ടോയില്‍ നിന്നും മൊബൈല്‍ ഫോണ്‍ മോഷ്ടിച്ചു മുങ്ങിയ യുവാവിനെ വൈത്തിരി പോലീസ് പിടികൂടി. കോഴിക്കോട് നടക്കാവ് നാലുകുടി പറമ്പ് വീട്ടില്‍ എന്‍.പി മുഹമ്മദ് സുഹൈല്‍ (23)നെയാണ് വൈത്തിരി പോലീസ് സബ് ഇന്‍സ്പെക്ടര്‍ പി വി പ്രഷോബിന്റെ നേതൃത്വത്തില്‍ പിടികൂടിയത്. ഈ മാസം 22 ന് വൈത്തിരി അജന്താ സ്റ്റുഡിയോ യുടെ മുന്‍വശം നിര്‍ത്തിയിട്ടിരുന്ന ഓട്ടോയില്‍ നിന്ന് പ്രതി മൊബൈല്‍ ഫോണ്‍ മോഷ്ടിച്ച് കടന്നു കളയുകയായിരുന്നു. അന്വേഷണത്തിനിടെ ഇയാള്‍ പിടിയിലാവുകയായിരുന്നു. സബ് ഇന്‍സ്പെക്ടര്‍മാരായ എന്‍.കെ മണി, എച്ച് അഷ്റഫ്, സീനിയര്‍ സിവില്‍ പോലീസ് ഓഫീസര്‍ ഷാലു ഫ്രാന്‍സിസ് എന്നിവരും പോലീസ് സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
