കുംഭവാവുബലി; തിരുനെല്ലി പാപനാശിനിക്കരയില്‍ആയിരങ്ങള്‍ ബലിതര്‍പ്പണം നടത്തി
കുംഭവാവുബലി ദിനത്തില്‍ തിരുനെല്ലി മഹാവിഷ്ണു ക്ഷേത്രത്തില്‍ ആയിരങ്ങള്‍ ബലിതര്‍പ്പണത്തിനെത്തി. ഇന്ന് പുലര്‍ച്ചെ 5 മണിക്ക് തുടങ്ങിയ ബലിതര്‍പ്പണം ഉച്ചയ്ക്ക് 12 മണിവരെ നീണ്ടു. ബലിതര്‍പ്പണത്തിന് കെ.എല്‍. ശങ്കരനാരായണ ശര്‍മ, പി. ഉണ്ണികൃഷ്ണന്‍ നമ്പൂതിരി, കെ.എല്‍. രാധാകൃഷ്ണശര്‍മ, അരിങ്ങോത്ത് ഇല്ലത്ത് രാമചന്ദ്രന്‍ നമ്പുതിരി എന്നിവര്‍ നേതൃത്വം നല്‍കി.ക്ഷേത്രത്തില്‍ നടത്തിയ വിശേഷാല്‍പൂജകള്‍ക്ക് മേല്‍ശാന്തി ഇ.എന്‍. കൃഷ്ണന്‍ നമ്പൂതിരി മുഖ്യകാര്‍മികത്വം വഹിച്ചു. കീഴ്ശാന്തിമാരായ ഗണേഷ് ഭട്ടതിരി, എ. രാമചന്ദ്രന്‍ ശര്‍മ്മ എന്നിവര്‍ സഹകാര്‍മികരായി. വിവിധ പ്രവര്‍ത്തനങ്ങള്‍ക്ക് ദേവസ്വം എക്‌സി. ഓഫീസര്‍ കെ.സി. സദാനന്ദന്‍, മാനേജര്‍ പി.കെ. പ്രേമചന്ദ്രന്‍ കെ സന്തോഷ് കുമാര്‍ എന്നിവര്‍ നേതൃത്വം നല്‍കി.
