വയനാട് ഡി സി സി പ്രസിഡന്റ് തയ്യാറാക്കിയ ബത്തേരി ബ്ലോക്ക് കോണ്‍ഗ്രസ് കമ്മറ്റിയുടെ പുതിയ ഭാരവാഹി ലിസ്റ്റ് മരവിപ്പിച്ച് കെ.പി.സി.സി.ബത്തേരി ബ്ലോക്ക് കോണ്‍ഗ്രസ് കമ്മറ്റിയിലേക്ക് വയനാട് ഡി.സി സി പ്രസിഡന്റ് എന്‍.ഡി. അപ്പച്ചന്‍ സമര്‍പ്പിച്ച പുതിയ ഭാരവാഹി ലിസ്റ്റാണ് കെ.പി.സി.സി മരവിപ്പിച്ചത്.
ഭാരവാഹികളെ നിശ്ചയിച്ചതിനെതിരെ ഉയര്‍ന്ന പരാതിയെ തുടര്‍ന്നാണ് നടപടി എന്നാണ് അറിയുന്നത്. ഇക്കഴിഞ്ഞ 23 നാണ് ബത്തേരി ബ്ലോക്ക് കോണ്‍ഗ്രസ് കമ്മറ്റിയിലേക്ക് പുതിയ 12 ഭാരവാഹികളെ നിശ്ചയിച്ചു കൊണ്ട് ഡി സി സി പ്രസിഡന്റ് എന്‍. ഡി. അപ്പച്ചന്‍ ലിസ്റ്റ് നല്‍കിയത്.അതേസമയം പുനസംഘടന നടക്കാന്‍ പോകുന്നതിനാലാണ് ലിസ്റ്റ് മരവിപ്പിച്ചത് എന്നാണ് ബ്ലോക്ക് കോണ്‍ഗ്രസ് കമ്മറ്റി നേതൃത്വം പറയുന്നത്.
