വിവാദം സൃഷ്ടിച്ച കുരുമുളക് തട്ടിപ്പ് കേസില്‍ പ്രതികളെ അറസ്റ്റ് ചെയ്യാനോ നിയമ നടപടി എടുക്കുന്നതിനോ പോലീസ് മുതിരുന്നില്ലെന്ന് ആക്ഷന്‍ കമ്മിറ്റി.ഉന്നത രാഷ്ട്രീയ പിടിപാടാണ് നടപടി സ്വീകരിക്കാതിരിക്കാന്‍ കാരണമെന്നും ആക്ഷന്‍ കമ്മിറ്റി ഭാരവാഹികള്‍ വാര്‍ത്താ സമ്മേളനത്തില്‍ കുറ്റപ്പെടുത്തി.
2017-18 വര്‍ഷത്തില്‍ ജില്ലയിലെ കര്‍ഷകരുടെ കൈയില്‍ നിന്നും അധിക വിലവാഗ്ദാനം ചെയ്ത് പണം തട്ടിയ കേസില്‍ കോടതി നടപടിയുണ്ടായിട്ടും പ്രതികളെ പിടികൂടുന്നതിനോ മേല്‍ നടപടി സ്വീകരിക്കുന്നതിനോ ജില്ലയിലെ പോലീസ് മുതിരുന്നില്ല. കോഴിക്കോട് – വടകര- പുല്‍പ്പള്ളി സ്വദേശികളായ 4 പേര്‍ ചേര്‍ന്നാണ് 2017-18 കാലഘട്ടത്തില്‍ അധിക വിലവാഗ്ദാനം ചെയ്ത് ജില്ലയിലെ കര്‍ഷകരില്‍ നിന്നും കുരുമുളക് ശേഖരിക്കുകയും ഒരു മാസ അവധിക്ക് ചെക്ക് നല്‍കി കബിളിപ്പിച്ച് 5 കോടിയോളം രൂപ തട്ടിയെടുത്തത്. ഇത് സംബന്ധിച്ച് ജില്ലയിലെ പല പോലീസ് സ്റ്റേഷനുകളിലും പരാതികള്‍ രജിസ്റ്റര്‍ ചെയ്യുകയും കോടതി പ്രതികളെ അറസ്റ്റ് ചെയ്യണമെന്ന നിര്‍ദ്ദേശം ഉണ്ടായിട്ടും ഉന്നത രാഷ്ട്രീയ സ്വാധീനത്താല്‍ നടപടി സ്വീകരിക്കാതെ പോലീസ് ഒഴിഞ്ഞു മാറുകയാണ്.സംസ്ഥാനത്തെ തന്നെ ഉന്നത രാഷ്ട്രീയ നേതാവിന്റെ മകനുമായുള്ള തട്ടിപ്പ് സംഘത്തിന്റെ ബന്ധമാണ് പോലീസ് നടപടി സ്വീകരിക്കാത്തതിന് കാരണമെന്നും ആക്ഷന്‍ കമ്മിറ്റി കുറ്റപ്പെടുത്തുന്നു അതുകൊണ്ട് തന്നെ തട്ടിപ്പ് നടത്തിയ സംഘത്തിനെതിരെ സി.ബി.ഐ. പോലുള്ള ഏജന്‍സി കൊണ്ട് അന്വോഷിക്കണമെന്നും ആക്ഷന്‍ കമ്മിറ്റി ഭാരവാഹികള്‍ ആവശ്യപ്പെട്ടു.വാര്‍ത്താ സമ്മേളനത്തില്‍ ജോണി കുഴിവേലില്‍, വര്‍ക്കി എല്ലംപ്പുഴ, ജോര്‍ജ് പാക്കം, സിജോ വര്‍ഗ്ഗീസ് തുടങ്ങിയവര്‍ പങ്കെടുത്തു.
