കുടുംബശ്രീ ഡീപ് ക്ലീന്‍ വയനാടിന്റെ ഭാഗമായി മാനന്തവാടി നഗരസഭയിലെ മുഴുവന്‍ ഡിവിഷനുകളിലും അണു നശീകരണം നടത്തി. ജില്ലാ ഭരണകൂടം, ആരോഗ്യവകുപ്പ് എന്നിവരുടെ സഹകരണത്തോടെയാണ് ശുചീകരണ ക്യാമ്പയിന്‍. കുടുംബശ്രീ അംഗങ്ങള്‍ക്കൊപ്പം വിവിധ സന്നദ്ധ സംഘടനകളും പ്രവര്‍ത്തികളില്‍ പങ്കാളികളായി . ഡീപ് ക്ലിന്‍ നഗരസഭ തല ഉദ്ഘാടനം കണിയാരം കോളനിയില്‍ ചെയര്‍മാന്‍ വി ആര്‍ പ്രവീജ് നിര്‍വ്വഹിച്ചു, വികസന കാര്യ സ്റ്റാന്‍ഡിഗ് കമ്മിറ്റി ചെയര്‍മാന്‍ പി ടി ബിജു, കൗണ്‍സിലര്‍മാരായ കടവത്ത് മുഹമ്മദ്, ശാരദാ സജീവന്‍, സി ഡി എസ് ചെയര്‍പേഴ്‌സണ്‍ വല്‍സ മാര്‍ട്ടിന്‍ എന്നിവര്‍ സംസാരിച്ചു,
