ജില്ലാ കളരിപ്പയറ്റ് ചാമ്പ്യന്‍ഷിപ്പ് നവംബര്‍ 9 ശനിയാഴ്ച പുല്‍പ്പള്ളി ലയണ്‍സ് ക്ലബ്ബ് ഓഡിറ്റോറിയത്തില്‍ നടത്തുമെന്ന് ജില്ലാ കളരിപ്പയറ്റ് അസോസിയേഷന്‍ ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.രാവിലെ എട്ട് മണിക്ക് ചാമ്പ്യന്‍ഷിപ്പ് അസോസിയേഷന്‍ ജില്ലാ പ്രസിഡന്റ് യു.പി.ജോസ് ഉദ്ഘാടനം ചെയ്യും.സമാപന സമ്മേളനം ജില്ലാ പഞ്ചായത്ത് പ്രസിഡന്റ് കെ.ബി നസീമ ഉദ്ഘാടനം ചെയ്യും.നൂറോളം മത്സരാര്‍ഥികള്‍ ചാമ്പ്യന്‍ഷിപ്പില്‍ പങ്കെടുക്കും. കേരളാ സ്റ്റേറ്റ് സ്‌പോര്‍ട്‌സ് കൗണ്‍സിലിന്റെ അംഗീകാരത്തോടെയാണ് ചാമ്പ്യന്‍ഷിപ്പ് നടത്തുന്നത്. സമാപന സമ്മേളനത്തിന് മുന്നോടിയായി കളരിപ്പയറ്റ് പ്രദര്‍ശനം ഉണ്ടായിരിക്കും. ടി.എം. ആസിഫ്, യു.പി. ജോസ്, ഡോ. കെ.പി. സാജു, കെ.കുട്ടികൃഷ്ണന്‍ ഗുരുക്കള്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
