ഒ.ഐ. സി. സി കുവൈത്ത് വയനാട് ജില്ലാ കമ്മിറ്റിയുടെ ആഭിമുഖ്യത്തില്‍ പടിഞ്ഞാറത്തറ എ.യു. പി. സ്‌കൂളിലെ നടക്കാന്‍ ശേഷിയില്ലാത്ത വിന്‍സെന്റ് ബൈജുവിന് വീല്‍ചെയറും സാമ്പത്തിക സഹായവും നല്‍കി. സ്‌കൂള്‍ പി.റ്റി.എ പ്രസിഡന്റ് നാസര്‍ ടി യുടെ അധ്യക്ഷതയില്‍ ബ്ലോക്ക് പഞ്ചായത്ത് പ്രസിഡന്റ് ഉഷാതമ്പി വില്‍ ചെയറും സാമ്പത്തിക സഹായവും കൈമാറി. പ്രധാന അദ്ധ്യാപകന്‍ സുധി മാസ്റ്റര്‍, സ്‌കൂള്‍ മാനേജര്‍ കെ.റ്റി. ശ്രീധരന്‍ മാസ്റ്റര്‍, മുന്‍ ബ്ലോക്ക് പ്രസിഡന്റ് പി.കെ. അബ്ദുല്‍ റഹ്മാന്‍, പി.റ്റിഎ.വൈസ് പ്രസിഡന്റ് ജോസ്.സജിത്ത് മാസ്റ്റര്‍ തുടങ്ങിയവര്‍ ചടങ്ങിന് നേതൃത്വം നല്‍കി.
