ദേശീയപാതയില്‍ വാര്യാട് കാറും ലോറിയും കൂട്ടിയിടിച്ച സംഭവം. ഒരാള്‍ മരിച്ചു. ബത്തേരിമലങ്കര എരണിയകത്ത് ഹംസ ഹാജിയുടെ മകന്‍ ഷാമില്‍ ബാബു (22) ആണ് മരിച്ചത്.ഇന്നലെ രാത്രി 10.45ഓടെയായിരുന്നു അപകടം. ബത്തേരിഭാഗത്തേക്ക് പോവുകയായിരുന്ന കാറില്‍ കല്‍പ്പറ്റ ഭാഗത്തേക്ക് വരുന്ന കര്‍ണ്ണാടക റെജിസ്‌ട്രേഷന്‍ ലോറിയും തമ്മില്‍ കൂട്ടിയിടിക്കുകയായിരുന്നു. കാറിനുള്ളില്‍ കുടുങ്ങി പോയ ഷാമിലിനെ ഫയര്‍ഫോഴ്‌സ് എത്തി കാറ് വെട്ടി പൊളിച്ച് ആദ്യം കല്‍പ്പറ്റ ലിയോ ഹോസ്പിറ്റലിലും പിന്നീട് കോഴിക്കോട് മെഡിക്കല്‍ കോളേജിലും എത്തിച്ചെങ്കിലും മരണപ്പെടുകയായിരുന്നു.
