ശശിമല ഗവ:യു .പി സ്‌കൂളില്‍ വിദ്യാര്‍ത്ഥികളുടെ നേതൃത്വത്തില്‍ സ്‌കൂള്‍ പരിസരത്ത് തരിശായി കിടക്കുന്ന സ്ഥലങ്ങളില്‍ രക്ഷിതാക്കളുടെയും അധ്യാപകരുടെയും സഹകരണത്തോടെ പച്ചക്കറികൃഷി ആരംഭിച്ചു. പച്ചക്കറി കൃഷി ചെയ്യുന്നതിന് രക്ഷിതാക്കളുടെ നേതൃത്വത്തില്‍ സ്ഥലമൊരുക്കി നല്‍കിയാണ് വിദ്യര്‍ത്ഥികള്‍ കൃഷി ആരംഭിച്ചത് .ഹെഡ്മാസ്റ്റര്‍ സുരേന്ദ്രന്‍ ഉല്‍ഘാടനം ചെയ്തു .പി.ടി.എ പ്രസിഡണ്ട് ഷിജു വേങ്ങം താഴത്ത്, ഡോമിനിക് കവളക്കാട്ടില്‍, അജയന്‍ വല്യാത്ത് തുടങ്ങിയവര്‍ സംസാരിച്ചു.
