മോട്ടോര് വാഹന വകുപ്പിന് കീഴിലുള്ള എല്ലാ സേവനങ്ങളും മാര്ച്ച് ഒന്ന് മുതല് ആധാര് മുഖേനയാക്കാന് തീരുമാനം. വാഹന ഉടമകള് ആധാറുമായി ലിങ്ക് ചെയ്ത മൊബൈല് നമ്പര് പരിവാഹന് പോര്ട്ടലില് ഉള്പ്പെടുത്തണമെന്ന് ഗതാഗത കമീഷണര് നിര്ദേശം നല്കി. ഇ-സേവ കേന്ദ്രങ്ങള്, അക്ഷയ കേന്ദ്രങ്ങള് എന്നിവ വഴി മൊബൈല് നമ്പര് പരിവാഹനില് അപ്ഡേറ്റ് ചെയ്യാന് സാധിക്കും. ഫെബ്രുവരി 1 മുതല് 28 വരെയാണ് അപ്ഡേറ്റ് ചെയ്യാന് അവസരം. ആര് ടി ഒ-ജോയന്റ് ആര് ടി ഒ ഓഫിസുകളില് പ്രത്യേക കൗണ്ടറുകളും അപ്ഡേറ്റുകള് ചെയ്യുന്നതിനായി തയ്യാറാക്കിയിട്ടുണ്ട്.