വയനാട് സ്വദേശിയായ നഴ്സിനെ കോഴിക്കോട് പന്തീരാങ്കാവ് പാലാഴിയില് വീട്ടിനുള്ളില് തൂങ്ങിമരിച്ച നിലയില് കണ്ടെത്തി. സുല്ത്താന് ബത്തേരി മാടക്കര വലിയ വട്ടം അരങ്ങന് ബഷീറിന്റെയും സാജിതയുടേയും മകള് ഷഹല ബാനു (21) വിനെയാണ് തൂങ്ങിമരിച്ച നിലയില് കണ്ടെത്തിയത്. പന്തീരങ്കാവ് പാലാഴിയിലെ ഇക്ര ക്ലിനിക്കിലെ നഴ്സ് ആണ് മരിച്ചത്. ഇക്ര ക്ലിനിക്കിന്റെ മുകളിലെ നിലയിലെ താമസ സ്ഥലത്താണ് ഇവരെ മരിച്ച നിലയില് കണ്ടെത്തിയത്.
