മേപ്പാടി ചൂരല്‍മല റോഡ് പ്രവര്‍ത്തി അനന്തമായി നീളുന്നതില്‍ പ്രതിഷേധിച്ച് 14ന് ജനകീയ സമരസമിതിയുടെ നേതൃത്വത്തില്‍ റോഡ് ഉപരോധം നടത്താന്‍ തീരുമാനിച്ചതായി ഭാരവാഹികള്‍ കല്‍പ്പറ്റയില്‍ വാര്‍ത്താ സമ്മേളനത്തില്‍ അറിയിച്ചു. വിഷയത്തില്‍ അടിയന്തിര തീരുമാനം ഉണ്ടാകുന്നത് വരെ തുടര്‍ സമരങ്ങള്‍ക്ക് സമരസമിതി നേതൃത്വം നല്‍കുമെന്നും ഭാരവാഹികള്‍ അറിയിച്ചു. സമരസമിതി നേതാക്കളായ കെ.പി.യൂനസ്, സി.ശിഹാബ്, കെ.സെയ്‌നുദ്ദീന്‍ എന്നിവര്‍ പങ്കെടുത്തു.
