സംസ്ഥാനത്ത് അടുത്ത അഞ്ചുദിവസം മഴ ശക്തമാകുമെന്ന് മുന്നറിയിപ്പ്. ഇന്ന് 5 ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഇടുക്കി, വയനാട്, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് ഇന്ന് മഴ മുന്നറിയിപ്പ് നല്കിയിട്ടുള്ളത്. മറ്റ് ജില്ലകളില് സാധാരണ ഗതിയിലുള്ള മഴ ലഭിക്കും.നാളെയും 5 ജില്ലകളില് മഴ മുന്നറിയിപ്പ് നല്കിയിട്ടുണ്ട്. കേരള കര്ണാടക തീരത്ത് മണിക്കൂറില് 40 മുതല് 55 കിലോമീറ്റര് വരെ വേഗത്തില് കാറ്റ് വീശി അടിക്കാന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്നും നിര്ദേശമുണ്ട്.