ആശുപത്രി സംരക്ഷണ ഓര്ഡിനന്സിന് കേരളാ മന്ത്രിസഭയുടെ അംഗീകാരം. ആരോഗ്യ പ്രവര്ത്തകര്ക്ക് എതിരായ അതിക്രമത്തില് കര്ശന ശിക്ഷ നല്കാനുള്ള ഭേദഗതി ഓര്ഡിനന്സിന് കാബിനറ്റ് അംഗീകാരം നല്കി. ആരോഗ്യ പ്രവര്ത്തകര്ക്കെതിരായ അതിക്രമത്തിന് 7 വര്ഷം തടവാണ് പരമാവധി ശിക്ഷ. കുറഞ്ഞ ശിക്ഷ 6 മാസമാക്കും. നഴ്സിംഗ് കോളേജുകള് ഉള്പ്പടെയുള്ള മെഡിക്കല് വിദ്യാഭ്യാസ സ്ഥാപനങ്ങള്ക്ക് നിയമത്തിന്റെ സംരക്ഷണമുണ്ടാകും. പ്രതകള്ക്കെതിരെ സമയബന്ധിത നിയമനടപടികള്ക്ക് വ്യവസ്ഥയുണ്ടാകും.
ഓര്ഡിനന്സില് പരാതി ഉണ്ടെങ്കില് നിയമസഭാ സമ്മേളനത്തില് സര്ക്കാര് ഔദ്യോഗിക ഭേദഗതിയായിത്തന്നെ മാറ്റം കൊണ്ടു വരും. ഡോക്ടര്മാരുടെ ചിരകാല ആവശ്യമായിരുന്ന ഓര്സിനന്സ്, കൊട്ടാരക്കര ആശുപത്രിയിലെ ഡോ. വന്ദനയുടെ കൊലപാതകത്തിന് പിന്നാലെയാണ് അടിയന്തിരമായി ഇറക്കിയത്.
