മൂന്നാനക്കുഴി യൂക്കാലിക്കവല കോളനിക്ക് സമീപം ബൈക്കിന് മുന്നിലേക്ക് കാട്ടുപന്നി ചാടി, യുവാവിന് പരിക്കേറ്റു. പനമരം ചുണ്ടക്കുന്ന് സ്വദേശി വളപ്പില്‍ വീട്ടില്‍ ഗോകുലിനാണ് പരിക്കേറ്റത്.സ്വകാര്യ കൃഷിയിടത്തില്‍ നിന്നും കാട്ടുപന്നി നേരെ ബൈക്കില്‍ വന്നിടിക്കുകയായിരുന്നു. നിയന്ത്രണം വിട്ട ബൈക്ക് മറിഞ്ഞ് റോഡില്‍ വീണ ഗോകുല്‍ ചെറിയ പരിക്കുകളോടെ രക്ഷപ്പെട്ടു.അത് വഴി വന്ന മീനങ്ങാടി ഗ്രാമപഞ്ചായത്ത് പ്രസിഡന്റും സഹപ്രവര്‍ത്തകരും ചേര്‍ന്നാണ് പരിക്കേറ്റ് റോഡില്‍ വീണ് കിടന്ന യുവാവിനെ മീനങ്ങാടി ഗവണ്‍മെന്റ് ആശുപത്രിയിലെത്തിച്ചത്.
