വെങ്ങപ്പള്ളി ഗ്രാമപഞ്ചായത്തിലെ പട്ടികവര്ഗ്ഗക്കാര്ക്ക് ആധികാരിക രേഖകള് ലഭ്യമാക്കി ഡിജിറ്റല് ലോക്കറില് സൂക്ഷിക്കാന് അവസരം ഒരുക്കുന്ന അക്ഷയ ബിഗ് ക്യാമ്പയിന് ഫോര് ഡോക്യുമെന്റ് ഡിജിറ്റലൈസേഷന് ക്യാമ്പ് സമാപിച്ചു.
വെങ്ങപ്പള്ളി റെയിന്ബോ ഓഡിറ്റോറിയത്തില് രണ്ട് ദിവസങ്ങളിലായി നടന്ന ക്യാമ്പില് 2119 പേര്ക്ക് രേഖകള് നല്കി. സമാപന സമ്മേളനം സബ് കളക്ടര് ആര് ശ്രീലക്ഷ്മി ഉദ്ഘാടനം ചെയ്തു. വെങ്ങപ്പള്ളി ഗ്രാമ പഞ്ചായത്ത് പ്രസിഡന്റ് ഇ.കെ രേണുക അധ്യക്ഷയായി
1012 ആധാര് കാര്ഡുകള്, 557 റേഷന് കാര്ഡുകള്, 1066 ഇലക്ഷന് ഐഡി കാര്ഡുകള്, 261 ബാങ്ക് അക്കൗണ്ടുകള്,
110 ആരോഗ്യ ഇന്ഷുറന്സ് കാര്ഡുകള്,
895 ഡിജിലോക്കര് എന്നിവയ്ക്ക് പുറമെ മറ്റ് രേഖകള് ഉള്പ്പെടെ 6537 സേവനങ്ങള് ക്യാമ്പിലൂടെ ഉപഭോക്താക്കള്ക്ക് ലഭ്യമാക്കി.
ജില്ലാ ഭരണകൂടം, ജില്ലാ ഐ.ടി മിഷന്, സിവില് സപ്ലൈസ് വകുപ്പ്, അക്ഷയ ജില്ലാ പ്രോജക്ട് ഓഫീസ്, വെങ്ങപ്പള്ളി ഗ്രാമ പഞ്ചായത്ത്, പട്ടിക വര്ഗ്ഗ വികസന വകുപ്പ് എന്നിവയുടെ സംയുക്ത ആഭിമുഖ്യത്തില് വിവിധ സര്ക്കാര് വകുപ്പുകളുടെയും ബാങ്കുകളുടേയും സഹകരണത്തോടെയാണ് ക്യാമ്പ് സംഘടിപ്പിച്ചത്. റേഷന് കാര്ഡ്, ആധാര് കാര്ഡ്, വോട്ടര് തിരിച്ചറിയല് കാര്ഡ്, ബാങ്ക് അക്കൗണ്ട്, ജനന സര്ട്ടിഫിക്കറ്റ്, നഷ്ടപ്പെട്ട ആരോഗ്യ ഇന്ഷുറന്സ് നല്കുന്നത് തുടങ്ങിയ രേഖകളാണ് ക്യാമ്പിലെ സേവന കൗണ്ടറുകളിലൂടെ ലഭ്യമാക്കിയത്.
സമാപന സമ്മേളന ചടങ്ങില് വെങ്ങപ്പള്ളി ഗ്രാമ പഞ്ചായത്ത് വൈസ് പ്രസിഡന്റ് പി എം നാസര്, ആരോഗ്യ വിദ്യാഭ്യാസസ്റ്റാന്ഡിംഗ് കമ്മിറ്റി ചെയര്പേഴ്സണ് ഷംന റഹ്മാന്, എല്.എസ്.ജി ഡി അസിസ്റ്റന്റ് ഡയറക്ടര് ഓഫ് പഞ്ചായത്ത് ബൈജു ജോസ്, അക്ഷയ കോ ഓര്ഡിനേറ്റര് ജിന്സി ജോസഫ്, ഗ്രാമ പഞ്ചായത്ത് സെക്രട്ടറി കെ.ബി ഷോബി തുടങ്ങിയവര് സംസാരിച്ചു. പഞ്ചായത്ത് ഭരണ സമിതി അംഗങ്ങള്, വിവിധ വകുപ്പ് ഉദ്യോഗസ്ഥര്, ജീവനക്കാര് തുടങ്ങിയവര് പങ്കെടുത്തു.
