ആരോഗ്യത്തിന് സഹായിക്കുന്നതില്‍ പല പാനീയങ്ങളും ഏറെ ഗുണം നല്‍കുന്നവയാണ്. നാം കുടിയ്ക്കുന്ന വെള്ളത്തില്‍ പലതുമിട്ട് തിളപ്പിച്ച് കുടിയ്ക്കാറുണ്ട്. ഇവ പല വിധത്തില്‍ ഗുണം നല്‍കുന്നവയുമാണ്. നമ്മുടെ പൂജാദി കര്‍മങ്ങള്‍ക്കായി നാം ഉപയോഗിയ്ക്കാറുള്ള തുളസിയും ഇത്തരത്തില്‍ ഒന്നാണ്. ഇത് ഏറെ ഔഷധ ഗുണങ്ങള്‍ അടങ്ങിയ ഒന്നു കൂടിയാണ്.തുളസി പരമ്പരാഗതമായി അനേകം തരത്തിലുള്ള ആയുർവേദ മരുന്നുകളിൽ ഉപയോഗിച്ച് വ ദിവസവും ഒരു ഗ്ലാസ് തുളസി ചായ കുടിയ്ക്കുന്നത് പല തരത്തിലെ ആരോഗ്യപരമായ ഗുണങ്ങളും നല്‍കുന്നു. ഇതെക്കുറിച്ചറിയൂ.
ആയുർവേദം അനുസരിച്ച്, തുളസി ചായ എന്നത് വരണ്ട ചുമ അകറ്റുവാനുള്ള ഏറ്റവും ഫലപ്രദമായ പരിഹാരമാർഗ്ഗമാണ്. രുന്നു. ഇവ രോഗപ്രതിരോധ ശേഷി വർദ്ധിപ്പിക്കുവാൻ സഹായിക്കുന്നതോടൊപ്പം, ഉത്തമ വേദന സംഹാരിയും, ആന്റി സെപ്റ്റിക്ക് സവിശേഷതകൾ അടങ്ങിയ ഒറ്റമൂലിയും ആകുന്നു. അലർജി, ബ്രോങ്കൈറ്റിസ്, ആസ്ത്മ, മറ്റ് ശ്വാസകോശ സംബന്ധമായ അസുഖങ്ങൾ എന്നിവയിൽ നിന്നും തുളസി ഇലകൾ ആശ്വാസം നൽകുന്നു.
തുളസി ഇലകളിലെ ഉയർന്ന അളവിലുള്ള ഉർസോളിക് ആസിഡും മറ്റ് ഫൈറ്റോകെമിക്കലുകളും ഹൃദയ സംരക്ഷണ ഗുണങ്ങൾ പ്രകടമാക്കുന്നു. തുളസി ചായയിലെ ഫൈറ്റോകെമിക്കലുകൾ രക്തത്തിലെ ഫ്രീ റാഡിക്കലുകളെ തുരത്തുകയും രക്തകുഴലുകളുടെ ചുവരുകളിൽ കൊളസ്ട്രോൾ കൂടുന്നത് തടയുകയും എല്ലാ സുപ്രധാന അവയവങ്ങളിലേക്കും രക്തയോട്ടം ഉത്തേജിപ്പിക്കുകയും രക്തസമ്മർദ്ദം നിയന്ത്രിക്കുകയും ചെയ്യുന്നു. കൂടാതെ, തുളസി ചായയിലെ പൊട്ടാസ്യം, കാൽസ്യം തുടങ്ങിയ ധാതുക്കൾ മയോകാർഡിയൽ ഇൻഫ്രാക്ഷൻ, ഹൃദയാഘാതം, ഓക്സിഡേറ്റീവ് സമ്മർദ്ദം എന്നിവയിൽ നിന്ന് ഹൃദയത്തെ സംരക്ഷിക്കുന്നതിനും സഹായിക്കുന്നു.
നിലവിലെ അവസ്ഥയിൽ ആരോഗ്യത്തെ ബാധിക്കുന്ന ഒരു സാധാരണ പ്രശ്നമായി സമ്മർദ്ദം മാറിയിരിക്കുന്നു. ഇത് പലപ്പോഴും വിഷാദം, ഉത്കണ്ഠ, ഉറക്കമില്ലായ്മ എന്നിവയുമായി ബന്ധപ്പെട്ടിരിക്കുന്നു. ഫ്ലേവനോയ്ഡുകൾ വലിയ അളവിൽ അടങ്ങിയിട്ടുള്ള തുളസി ചായ ആന്റീഡിപ്രസന്റുകളായി പ്രവർത്തിക്കുകയും ന്യൂറോ ട്രാൻസ്മിറ്ററുകളുടെ ഉത്പാദനത്തെ ഉത്തേജിപ്പിക്കുകയും ഉത്കണ്ഠ കുറയ്ക്കുകയും നിങ്ങളുടെ മനസ്സ് ശാന്തവും ആശ്വാസകരവുമാക്കുകയും ചെയ്യും.
ദിവസവും തുളസിയില ചായ കുടിക്കുന്നത് (ശൈത്യകാലത്ത് പ്രത്യേകിച്ചും) കണ്ണിനും ചുറ്റും കറുത്ത പാടുകൾ, മുഖക്കുരു, ചുവന്ന പാടുകൾ, മറ്റ് ചർമ്മ സംബന്ധമായ പ്രശ്നങ്ങൾ എന്നിവയിൽ നിന്നെല്ലാം ആശ്വാസമേകുന്നു. ഇവയെ കൂടാതെ, തുളസി വൈറ്റമിൻ കെ പോലെയുള്ള പോഷകങ്ങളാൽ സമ്പുഷ്ടവുമാണ്. ഇത് ശരീരത്തിലെ അവയവങ്ങളെയും സംയുക്ത കോശങ്ങളെയും രാസപരവും, ശാരീരികവുമായ സമ്മർദ്ദങ്ങളിൽ നിന്ന് സംരക്ഷിക്കുന്നു.
