സിക വൈറസ് റിപ്പോര്ട്ട് ചെയ്ത സാഹചര്യത്തില് സ്ഥിതിഗതികള് വിലയിരുത്താന് കേന്ദ്ര സംഘം സംസ്ഥാനത്ത് എത്തി. രോഗം സ്ഥിരീകരിച്ച തിരുവനന്തപുരം നഗരസഭാ പരിധിയിലെ പ്രദേശങ്ങളിലും പാറശാലയിലും ആറംഗ സംഘം സന്ദര്ശിക്കും.ആരോഗ്യവകുപ്പ് ഉദ്യോഗസ്ഥരുമായി കൂടിക്കാഴ്ച്ചയും നടത്തും. നേരത്തെ രോഗം സ്ഥിരീകരിച്ച യുവതി താമസിച്ചിരുന്ന നന്തന്കോട് നിന്നും സ്വദേശമായ പാറശാലയില് നിന്നുള്പ്പെടെ ശേഖരിച്ച 17 സാംപിളുകളുടെ ഫലം ലഭിക്കാനുണ്ട്.
സികയുടെ പശ്ചാത്തലത്തില് തിരുവനന്തപുരത്ത് ജില്ലാ ഭരണകൂടവും പ്രതിരോധ പ്രവര്ത്തനം ഊര്ജിതമാക്കി. വാര്ഡ് തല സമിതിയുടെ നേതൃത്വത്തില് കൊതുക് നശീകരണത്തിനുള്ള നടപടി സ്വീകരിക്കാനാണ് നിര്ദേശം. പനി ക്ലിനിക്കുകള് ശക്തമാക്കാനും തീരുമാനിച്ചു.
