2010 ജനുവരി ഒന്നുമുതല്‍ 2021 ജൂണ്‍ 23 വരെ രജിസ്റ്റര്‍ ചെയ്ത സ്ത്രീ പീഡനക്കേസുകളില്‍ ഏറ്റവും കുറവ് കേസുകള്‍ റിപ്പോര്‍ട്ട് ചെയ്തത് വയനാട്ടില്‍. 126 കേസുകള്‍ മാത്രമേ കഴിഞ്ഞ പതിനൊന്നര വര്‍ഷത്തിനിടെ റിപ്പോര്‍ട്ട് ചെയ്തിട്ടുള്ളു. വയനാട്ടില്‍ സ്ത്രീധന പീഡനത്തിന് 20 കേസുകളാണ് റിപ്പോര്‍ട്ട് ചെയ്തത്. ഇതില്‍ 19 എണ്ണത്തിന് പരിഹാരം കാണാന്‍ സാധിച്ചു. ഭര്‍തൃപീഡനത്തിന് നാലു കേസുകള്‍ മാത്രമാണ് റിപ്പോര്‍ട്ട് ചെയ്തിട്ടുള്ളത്. അതില്‍ മൂന്നെണ്ണത്തിന് നടപടി സ്വീകരിച്ചു. ഗാര്‍ഹിക പീഡനത്തിന് 101 കേസുകള്‍ റിപ്പോര്‍ട്ട് ചെയ്തപ്പോള്‍ 82 കേസുകള്‍ തീര്‍പ്പാക്കി.
