മലബാറിന്റെ കോതമംഗലം എന്നറിയപ്പെടുന്ന ചീയമ്പം മോര്‍ ബസേലിയോസ് യാക്കോബായ സുറിയാനി പള്ളിയില്‍ പരിശുദ്ധ യല്‍ദോ മോര്‍ ബസേലിയോസ് ബാവായുടെ 10 ദിവസത്തെ ഓര്‍മ്മപെരുന്നാളിനോട് അനുബന്ധിച്ച് ജില്ലയിലെ വിവിധ ദേവാലയങ്ങളില്‍ നിന്ന് തീര്‍ത്ഥയാത്രക്ക് തുടക്കമായി. കോവിഡ് മാനദണ്ഡങ്ങള്‍ പാലിച്ചാണ് പുല്‍പ്പള്ളി സെന്റ് ജോര്‍ജ് ദേവാലയത്തില്‍ നിന്ന് തീര്‍ത്ഥയാത്ര എത്തിയത്. തീര്‍ത്ഥയാത്രക്ക് ദേവാലയ കുരിശടിയില്‍ വികാരി ഫാ ഫിലിപ്പ് ചാക്കോ അരത്തമ്മാമൂട്ടിലും ഇടവകാംഗങ്ങളും സ്വീകരണം നല്‍കി. തുടര്‍ന്ന് വിശുദ്ധ കുര്‍ബാനക്ക് നിരവധി വിശ്വാസികള്‍ പങ്കു ചേര്‍ന്നു.
