കിടപ്പിലായ രോഗികളെ കോവിഡ് കാലത്തും കൈവിടാതെ പെയിന്‍ & പാലിയേറ്റീവ് പ്രവര്‍ത്തകര്‍. പനമരം ബ്ലോക്ക് പഞ്ചായത്ത് പരിധിയിലുള്ള കണിയാമ്പറ്റ,പൂതാടി,പനമരം തുടങ്ങിയ പഞ്ചായത്തുകളിലെ കിടപ്പിലായ രോഗികള്‍ക്ക് പനമരം ആശുപത്രിയില്‍ പ്രവര്‍ത്തിക്കുന്ന സാന്ത്വനം പെയിന്‍ & പാലിയേറ്റീവ് ടീം എല്ലാ വര്‍ഷത്തേയും പോലെ ഈ പ്രാവശ്യവും ഓണക്കിറ്റുകള്‍ എത്തിച്ചു നല്‍കി. കോവിഡ് 19 മാനദണ്ഡങ്ങള്‍ പാലിച്ചുകൊണ്ട് പനമരം കമ്മ്യൂണിറ്റി ഹെല്‍ത്ത് സെന്റര്‍ ഹാളില്‍ നടന്ന ചടങ്ങില്‍ ഡോ. ഫായിസ കിറ്റ് വിതരണ ഉദ്ഘാടനം നിര്‍വ്വഹിച്ചു.
