ഓഗസ്റ്റ് 30 ന് വീണ്ടും തുറക്കുന്നതിന് മുമ്പായി ദുബായിലെ സ്‌കൂളുകള്‍ ജീവനക്കാരില്‍ നിന്നും വിദ്യാര്‍ത്ഥികളില്‍ നിന്നും യാത്രാ, ആരോഗ്യ പ്രഖ്യാപന ഫോമുകള്‍ ശേഖരിക്കാന്‍ തുടങ്ങി.ക്യാമ്പസ് പഠനം തിരഞ്ഞെടുത്ത വിദ്യാര്‍ത്ഥികള്‍ റിട്ടേണ്‍ മാനദണ്ഡങ്ങള്‍ പാലിക്കുന്നുണ്ടെന്ന് ഉറപ്പാക്കുന്നതിന് ശേഖരിച്ച ഡാറ്റ വിലയിരുത്തും . ഫോമുകളില്‍ നിന്ന് ശേഖരിച്ച ഡാറ്റ, സ്‌കൂളുകള്‍ സുരക്ഷിതമായി വീണ്ടും തുറക്കുന്നതിന് സഹായിക്കുമെന്ന് വിവിധ സ്‌കൂള്‍ അധികൃതര്‍ പറഞ്ഞു.
യാത്രാ ചരിത്രത്തെയും നിലവിലുള്ള രോഗങ്ങളെയും കുറിച്ചുള്ള ഫോമുകള്‍ ശേഖരിക്കാന്‍ ദുബായിലെ വിദ്യാഭ്യാസ റെഗുലേറ്റര്‍ നോളജ് ആന്‍ഡ് ഹ്യൂമന്‍ ഡെവലപ്മെന്റ് അതോറിറ്റി നേരത്തെ തന്നെ എല്ലാ സ്‌കൂളുകള്‍ക്ക് നിര്‍ദേശം നല്‍കിയിരുന്നു. അബുദാബി യിലെയും ഷാര്‍ജയിലെയും സ്‌കൂളുകളിലേക്ക് മടങ്ങുന്ന വിദ്യാര്‍ത്ഥികളും ഉദ്യോഗസ്ഥരും തിരികെ ചേരുന്നതിന് മുമ്പ് കോവിഡ്-നെഗറ്റീവ് ഫലം സമര്‍പ്പിക്കേണ്ടതുണ്ട്.
