അധ്യാപക യോഗ്യതാ പരീക്ഷയായ കെ-ടെറ്റിന് ഉള്ള അപേക്ഷ ക്ഷണിച്ചു. ലോവര് പ്രൈമറി വിഭാഗം, അപ്പര് പ്രൈമറി വിഭാഗം ഹൈസ്കൂള് വിഭാഗം സ്പെഷ്യല് വിഭാഗം (ഭാഷാ- യു.പി തലംവരെ/സ്പെഷ്യല് വിഷയങ്ങള് ഹൈസ്കൂള് തലം വരെ) എന്നിവയിലെ അധ്യാപക യോഗ്യത പരീക്ഷയ്ക്ക് വേണ്ടിയുള്ള വിജ്ഞാപനമാണ് പ്രസിദ്ധീകരിച്ചത്. ഓണ്ലൈന് അപേക്ഷയും ഫീസും വേേു:െ//ktet.kerala.gov.in എന്ന വെബ്പോര്ട്ടല് വഴി ഒക്ടോബര് 25 മുതല് നവംബര് 7 വരെ സമര്പ്പിക്കാം. ഒന്നിലധികം കാറ്റഗറികള്ക്ക് അപേക്ഷിക്കുന്നവര് ഓരോ കാറ്റഗറിക്കും 500 രൂപ വീതവും SC/ST/PH/Blind വിഭാഗത്തിലുള്ളവര് 250 രൂപ വീതവും അടയ്ക്കണം. ഓണ്ലൈന് നെറ്റ്ബാങ്കിംഗ്, ക്രെഡിറ്റ്/ ഡെബിറ്റ് കാര്ഡ് എന്നിവ മുഖേന പരീക്ഷാ ഫീസ് അടയ്ക്കാവുന്നതാണ്. അപേക്ഷ, ഓണ്ലൈന് രജിസ്ട്രേഷന് തുടങ്ങിയവയുടെ മാര്ഗ്ഗനിര്ദ്ദേശങ്ങള് https://ktet.kerala.gov.in , https://pareekshabhavan.kerala.gov.in എന്നീ വെബ്സൈറ്റുകളില് ലഭ്യമാണ്. ഒന്നോ അതിലധികമോ കാറ്റഗറികളില് ഒരുമിച്ച് ഒരു പ്രാവശ്യം മാത്രമേ അപേക്ഷിക്കാന് കഴിയുകയുള്ളൂ. അപേക്ഷ സമര്പ്പിച്ച് ഫീസ് അടച്ച് കഴിഞ്ഞാല് തിരുത്തലുകള് അനുവദിക്കുന്നതല്ല. വെബ്സൈറ്റില് നിന്നും ഹാള്ടിക്കറ്റ് ഡൗണ്ലോഡ് ചെയ്യേണ്ട തീയതി നവംബര് 21.
