നിര്‍മ്മാണം പൂര്‍ത്തീകരിച്ച് ഉദ്ഘാടനത്തിന് തയ്യാറെടുക്കുന്ന സുല്‍ത്താന്‍ ബത്തേരി രാജീവ് ഗാന്ധി മിനി ബൈപ്പാസിന്റെ പാര്‍ശ്വഭിത്തിയാണ് കഴിഞ്ഞദിവസം പെയ്ത മഴയില്‍ ഇടിഞ്ഞത്. കൈപ്പഞ്ചേരിയില്‍ നിന്നും ഗാന്ധിജംഗ്ഷനിലേക്ക് പോകുന്ന ഭാഗത്താണ് റോഡിന്റെ കരിങ്കല്‍ കെട്ടിയ പാര്‍ശ്വഭിത്തി ഇടിഞ്ഞിരിക്കുന്നത്. ഏകദേശം അഞ്ച് മിറ്റര്‍ ദൂരത്തിലാണ് തകര്‍ന്നിട്ടുള്ളത്. ഒരു മാസം മുമ്പാണ് ഈ റോഡിന്റെ ടാറിംഗ് പ്രവര്‍ത്തി പൂര്‍ത്തീകരിച്ചത്. രണ്ടാഴ്ചമുമ്പും ബൈപ്പാസിന്റെ മറ്റൊരിടത്ത് പാര്‍ശ്വഭിത്തി തകര്‍ന്നിരുന്നു.
