വീട് ഭാഗികമായി തകര്‍ന്നു

പൊഴുതന ആറാംമൈലില്‍ കനത്ത മഴയിലും കാറ്റിലും മേല്‍ക്കൂര പൂര്‍ണ്ണമായും ,വീട് ഭാഗികമായും തകര്‍ന്നു.ഇന്നലെ അര്‍ദ്ധ രാത്രിയോടെ പൊട്ടച്ചോല ഫാത്തിമയുടെ വീടാണ് തകര്‍ന്നത്. ഫാത്തിമയും, മകനും, മരുമകളും, മൂന്നു പേരക്കുട്ടികള്‍ എന്നിവരാണ് വീട്ടില്‍ താമസിച്ചു വന്നിരുന്നത്. അപകട സമയം വീട്ടില്‍ കിടന്നുറങ്ങുകയായിരുന്ന ഇവര്‍ വീടിന് കുലുക്കം അനുഭവപ്പെട്ടതിനെ തുടര്‍ന്ന് അയല്‍വാസിയുടെ വീട്ടിലേക്ക് മാറിയതിനാല്‍ വന്‍ അപകടം ഒഴിവായി.