നിറയെ പൂവിട്ട കാപ്പിച്ചെടി അപൂര്‍വ്വ കാഴ്ചയാകുന്നു. കര്‍ണാടക കുടക് ജില്ലയിലെ കൃഷിയിടത്തിലാണ് ഈ അപൂര്‍വ്വ കാഴ്ചയുള്ളത്.വേണമെങ്കില്‍ കാപ്പി തായ്ത്തടിയിലും കായ്ക്കും. ഇത്തരമൊരു കാഴ്ചയാണ് കുടക് ജില്ലയിലെ ഒരു കാപ്പിത്തോട്ടത്തില്‍ കാണുന്നത്. മഴപെയ്തതോടെ കാപ്പികള്‍ പൂവിട്ടു.എന്നാല്‍ അതില്‍ നിന്നും വ്യത്യസ്തമായി കാപ്പി ചില്ലകള്‍ക്കു പുറമെ ഒരു കാപ്പിച്ചെടിയുടെ തായ്ത്തടിയിലാണ് നിറയെ പൂക്കള്‍ വിരിഞ്ഞിരിക്കുന്നത്. ചുവട് മുതല്‍ ചില്ലകള്‍ ആരംഭിക്കുന്നത് വരെയുള്ള ഭാഗങ്ങളാണ് പൂവിട്ടിരിക്കുന്നത്. ഇത് തോട്ടത്തിലെ മറ്റ് ചെടികളിലൊന്നും കാണാനുമില്ല. ഇത്തരം കാഴ്ചകള്‍ അപൂര്‍വ്വങ്ങളാണന്നാണ് കര്‍ഷകരും പറയുന്നത്.
