ലോക്‌സഭാ തിരഞ്ഞെടുപ്പിനുളള നാമനിര്‍ദ്ദേശ പത്രികാ സമര്‍പ്പണം തുടങ്ങി. ആദ്യ ദിനത്തില്‍ ഒരു പത്രികയാണ് വയനാട് ലോക്‌സഭാ മണ്ഡലത്തില്‍ ലഭിച്ചത്. മലപ്പുറം അരീക്കോട് സ്വദേശി എന്‍.മുജീബ് റഹ്മാനാണ് വരണാധികാരികൂടിയായ ജില്ലാ കളക്ടര്‍ എ.ആര്‍ അജയകുമാറിന് മുമ്പാകെ നാമനിര്‍ദ്ദേശ പത്രിക സമര്‍പ്പിച്ചത്. സ്വതന്ത്ര സ്ഥാനാര്‍ത്ഥിയായാണ് മുജീബ് റഹ്മാന്‍ മത്സരിക്കുന്നത്. എസ്.ഡി.പി.ഐ സ്ഥാനാര്‍ത്ഥി ബാബുമണി കരുവാരക്കുണ്ട് ഇന്ന് ഉച്ചതിരിഞ്ഞ് വരണാധികാരിക്ക് പത്രിക നല്‍കും.
