ഹൈക്കോടതി സര്‍ക്കാരിനെ കണക്കറ്റ് വിമര്‍ശിച്ചിട്ടുണ്ട്. വരവ് ചെലവ് കണക്ക് പോലും സംസ്ഥാന സര്‍ക്കാര്‍ വ്യക്തമാക്കുന്നില്ലെന്നും കെ സുരേന്ദ്രന്‍ പറഞ്ഞു. വയനാട്ടില്‍ ഹര്‍ത്താല്‍ നടത്തിയ എല്‍ഡിഎഫും യുഡിഎഫും ജനങ്ങളോട് മാപ്പ് പറയണം. ഈ പ്രശ്‌നത്തില്‍ വസ്തുത മനസിലാക്കാതെയോ മനസിലാക്കിയിട്ട് മോദി സര്‍ക്കാരിനെ കുറ്റം പറയാന്‍ ഉദ്ദേശിച്ചോ ആണ് സംസ്ഥാന ?ഗവണ്‍മെന്റിനോടൊപ്പം സിപിഎമ്മിനൊപ്പം കോണ്‍?ഗ്രസ് ചേര്‍ന്ന് നിന്നത്. സംസ്ഥാനത്തിന്റെ ദുരിതാശ്വാസ നിധിയില്‍ വന്ന പണം എന്തുകൊണ്ട് ചെലവഴിക്കുന്നില്ലെന്നും എന്തുകൊണ്ട് അന്തിമ മെമ്മോറാണ്ടം നല്‍കാന്‍ കാലതാമസം ഉണ്ടായി എന്നും സുരേന്ദ്രന്‍ ചോദിച്ചു. എന്തായിരുന്നു മന്ത്രിസഭ ഉപസമിതി ഇത്രയും കാലം ചെയ്തത്? ഈ ചോദ്യത്തിന് വയനാട്ടിലെ ജനങ്ങളോട് മാത്രമല്ല, കേരളത്തിലെ ജനങ്ങളോടും സര്‍ക്കാര്‍ ഉത്തരം പറയണമെന്നും സുരേന്ദ്രന്‍ ആവശ്യപ്പെട്ടു.
