സംസ്ഥാനത്തെ മോട്ടോര് വെഹിക്കിള് ഡിപ്പാര്ട്ട്മെന്റിന്റെ ഡ്രൈവിംഗ് ലൈസന്സ് ടെസ്റ്റില് മാറ്റം. മെയ് 2 മുതല് റോഡ് ടെസ്റ്റിന് ശേഷമായിരിക്കും എച്ച് ടെസ്റ്റ് അനുവദിക്കുക. റോഡ് ടെസ്റ്റിലും നിലവിലെ രീതിയില് നിന്നും മാറ്റമുണ്ടായിരിക്കും. വിശദമായ സര്ക്കുലറിറക്കുമെന്ന് ഗതാഗത കമ്മീഷണര് അറിയിച്ചു. പ്രതിദിനം നല്കുന്ന ലൈസന്സുകളുടെ എണ്ണം 60 ആക്കിയും നിജപ്പെടുത്തി.
പ്രതിദിനം നല്കുന്ന ലൈസന്സുകളുടെ എണ്ണം 60 ആക്കി നിജപ്പെടുത്തി. പുതിയതായി ടെസ്റ്റില് പങ്കെടുത്ത 40 പേര്ക്കും തോറ്റവര്ക്കുളള റീ ടെസ്റ്റില് ഉള്പ്പെട്ട 20 പേര്ക്കുമായി അറുപത് പേര്ക്ക് ലൈസന്സ് നല്കാനാണ് പുതിയ നിര്ദേശം. മെയ് മാസം 2ാം തീയതി മുതല് 30 പേര്ക്ക് ലൈസന്സ് നല്കുമെന്നായിരുന്നു.ഗതാഗത മന്ത്രി കെ ബി ഗണേഷ് കുമാര് ആദ്യം പുറപ്പെടുവിച്ച നിര്ദേശം. ഇതിലാണ് ഇപ്പോള് ഇളവ് വരുത്തിയിരിക്കുന്നത്. അതുപോലെ തന്നെ പുതിയ ട്രാക്കുകള് തയ്യാറാകാത്തതിനാന് എച്ച് ടെസ്റ്റ് തുടരുമെന്നും മന്ത്രി അറിയിച്ചു. പുതിയ ട്രാക്കൊരുക്കി ടെസ്റ്റ് നടത്താനുള്ള സൗകര്യങ്ങള് പൂര്ത്തിയാകാത്ത സാഹചര്യത്തിലാണ് നിര്ദ്ദേശം.
