വയനാട് എഞ്ചിനീയറിംഗ് കോളേജില്‍ യുഡിഎസ്എഫ് എസ്എഫ്ഐ സഘര്‍ഷം
വയനാട് എഞ്ചിനീയറിംഗ് കോളേജില്‍ യുഡിഎസ്എഫ് എസ്എഫ്ഐ സഘര്‍ഷത്തില്‍ എസ്എഫ്ഐ യൂണിറ്റ് ജോയിന്റ് സെക്രട്ടറിയും മൂന്നാം വര്‍ഷ മെക്കാനിക്കല്‍ വിദ്യാര്‍ത്ഥിയുമായ നിമര്‍ അക്ബര്‍(23), മൂന്നാം വര്‍ഷ മെക്കാനിക്കല്‍ വിദ്യാര്‍ത്ഥി അമന്‍ ഷൗക്കത്ത് (22) എന്നിവര്‍ക്കാണ് പരിക്കേറ്റത്.തിങ്കളാഴ്ച ഉച്ചക്ക് 12.30 ഓടെ സംഭവം.യുഡിഎസ്എഫ് പ്രവര്‍ത്തകരുടെ നേതൃത്വത്തില്‍ എത്തിയ എട്ടംഗ സംഘം ഇടിക്കട്ടയും, വടികളും ഉപയോഗിച്ച് ഇരുവരേയും വളഞ്ഞിട്ട് ആക്രമിക്കുകയാരുന്നു എന്നാണ് എസ്എഫ്ഐ ആരോപിക്കുന്നത്. ആക്രമണത്തില്‍ നിമര്‍ അക്ബറിന്റെ മുന്‍വശത്തെ പല്ലിനും, ചുണ്ടിനും നാഭിക്കും, അമന്‍ ഷൗക്കത്തിന്റെ നെഞ്ചിനും നാഭിക്കും പരിക്കേറ്റിട്ടുണ്ട്. പരിക്കേറ്റ വിദ്യാര്‍ത്ഥികളെ മാനന്തവാടി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
