വയനാട്ടിലെ പ്രഥമ പ്രൊഫഷണല്‍ ഫുട്ബോള്‍ ക്ലബ്ബായ വയനാട് യുണൈറ്റഡ് ഫുട്ബോള്‍ ക്ലബ് ജില്ലയിലെ ഹൈസ്‌കൂള്‍ ഫുട്ബോള്‍ ടീമുകളെ പങ്കെടുപ്പിച്ച് നടത്തുന്ന വയനാട് ജില്ലാ സ്‌കൂള്‍ ലീഗ് -യുവ കപ്പ് ചാമ്പ്യന്‍ഷിപ്പിന്റെ ലോഗോപ്രകാശനം മന്ത്രി വി. അബ്ദുറഹിമാന്‍ നിര്‍വഹിച്ചു.ചടങ്ങില്‍ സ്പോര്‍ട്സ് കൗണ്‍സില്‍ പ്രസിഡന്റ് എം. മധു, ജില്ലാ ഫുട്ബോള്‍ അസോസിയേഷന്‍ പ്രസിഡന്റ് കെ. റഫീഖ്, യുണൈറ്റഡ് എഫ്. സി ചെയര്‍മാന്‍ ഷമീം ബക്കര്‍ സികെ, സിഇഒ സജീര്‍ എസ്, ക്ലബ് ഹെഡ് കോച്ച് സനുഷ് രാജ് എന്നിവര്‍ പങ്കെടുത്തു.5 ലക്ഷം രൂപ സമ്മാനത്തുകയുള്ള സ്‌കൂള്‍ ലീഗ് നവംബര്‍ രണ്ടാംവാരം ആരംഭിക്കും. 2024 ജനുവരി അവസാനത്തോടെ മത്സരങ്ങള്‍ പൂര്‍ത്തിയാക്കാനാണ് ഉദ്ദേശിക്കുന്നത്
